He Korowai Oranga: Māori Health StrategyOnline Māori language version
This document is also available as full text online English version.
I whakaputaina i te Whiringa a rangi 2002
ISBN 0-478-27087-9 (Pukapuka)
ISBN 0-478-27088-7 (Ipurangi)
HP 3541
Manatu Hauora
Pouaka Pouta peta 5013, Te Whanga-nui-a-Tara, Aotearoa
E watea ana te korero nei i te pae tukutuku Hauora Māori:
www.Māorihealth.govt.nz
Te Honore Annette King
Minita Hauora | Te Honore Tariana Turia
Minita Hauora Tuarua |
Ko He Korowai Oranga, he kahu tiaki i te mana me te hauora o te tangata. He tauawhi, he whakapakari, he whakaora tana i te iwi – taha tinana, taha wairua. Ara ano nga aho me nga whenu ka whatua tahitia e oti mai ai te korowai. I te rautaki nei, ko nga tini tangata era e mahi tahi ana kia hauora ai te iwi Māori, tae atu ki nga whanau, nga hapu, nga iwi, nga ngaio hauora, nga kaimahi hapori, nga ratonga hauora me nga hohipera. Me whatu rawa nga huihuinga tangata nei, me te kuhu atu i ona ano rawa, e oti mai ai nga tauira e kitea ana i te korowai nei.
Ihirangi
Tena koutou
Ina ora ake te whanau, te hapu, me te iwi, ka pakari ake te motu whanui, ka kaha ake anò te haere whakamua – taha oranga, taha rawa.
Ko ta He Korowai Oranga, he whakanoho mai i te whanau ki te putahi o nga kaupapahere tumatanui, he wero ano hoki i a tatou kia waihanga taiao ka hapai i nga whanau, ka awhina i nga whanau ki te whakataki, ki te whakapakari i a ratou ano, kia eke ano ai te noho a te tangata whenua o Aotearoa ki tona taumata e tika ana.
Ko te kaupapa matamua o He Korowai Oranga, kia puta ko nga whanau ora. E tutuki ai tenei, me whakamana, me poipoi nga painga me nga pumanawa o nga whanau.
Kua takoto mai He Korowai Oranga hei anga e riro ai ma nga tari kawanatanga e kawe tetahi wahi o nga mahi tautoko i te hauora o nga whanau. Koia tera ko te hanga kaupapa-here tumatanui e whakatairanga ana i: te oranga o te whanau, nga ara rapu matauranga papai tonu, nga ara whiwhi mahi, tetahi whare noho pai, tetahi wahi mahi haumaru, te whakapai ake i nga whiwhinga moni me nga rawa a te tangata, me te whakakore i nga aukati kua toka ki hea, ki hea, pera i te whakatoihara a-iwi.
I runga i nga whakahau a te rautaki, me mahi ngatahi te karauna ki ana hoa haere kotui i raro i te Tiriti i runga i te tika me te pono. E whakahaua ano hoki nga putahi me nga whakahaere hauora katoa kia mahi ngatahi, kia takoto mai ai he punaha me ona huarahi, ona ano tikanga e pai ake ai nga hua ka puta. E tika ai tenei punaha, me haere ko nga aroturuki me nga arotake, kia puta i nga mahi nga hua e whaia ana mo nga whanau.
E akiaki ana te rautaki nei kia riro ma te tangata whenua tonu e arahi ana kaupapa hauora, kia ea ai te tino rangatiratanga, kia tuhauora ai te motu whanui.
Te Honore Annette King
Minita Hauora | Te Honore Tariana Turia
Minita Hauora Tuarua |
|